Mir, als Biergerpartei Lëtzebuerg , engagéieren eis fest fir eng gerecht Loun- a Rentepolitik, déi d'Dignitéit vun den Aarbechter an de Rentner garantéiert an eng nohalteg ekonomesch a sozial Stabilitéit séchert.

1. Lounpolitik a Lounrechter

• Aféierung vun engem dezente Mindestloun: Mir plädéiere fir e fairen a regulär ugepasste Mindestloun, deen e liewenswäerte Standard garantéiert.
• Sektoriell Mindestléin a Lounplafongen: Mir setzen eis a  fir Mindestléin no Secteuren an, fir géint Loundumping (Dumping salarial) virzegoen a gerecht Aarbechtskonditiounen ze garantéieren.
• Lountransparenz a Loungläichheet: Mir fuerdere kloer Reegele fir méi Transparenz an der Lounstruktur an eng Loungläichheet fir gläichwäerteg Aarbecht.
• Gläichstellung tëscht Fraen a Männer um Aarbechtsmarché: Mir ënnerstëtze Moossnamen, déi d’Karriärförderung, flexibel Aarbechtsmodeller a Fërdervertrag  begënschtegen.
• Stäerkung vun den Aarbechtsrechter: Mir setzen eis fir verbessert Reegelen a puncto Aarbechtszäit, Congé a Sécherheet op der  Aarbechtsplaz an.
• Flexibilitéit an Teletravail: Mir plädéiere fir modern Aarbechtsmodeller, déi Teletravail a Work-Life-Balance integréieren.

2. Sécherheet a Stabilitéit vun de Pensiounen

• Stabiliséierung a Garantie vun de Pensiounen: Mir engagéieren eis fir e stabilt Pensiounssystem mat enger fairer Berechnungsmethod a gesécherter Finanzéierung.
• Automatesch Upassung vun de Pensiounen: Mir ënnerstëtzen en Indexéierungsmecanismus fir Pensiounen deen sech  un d’Liewenskäschten an demographesch Entwécklungen upasst.
• Bekämpfung vun der Aarmut am Alter: Mir plädéiere fir zousätzlech Ënnerstëtzungsmoossnamen a Subsiden fir Rentner mat klenge Revenuen.
• Intergenerationell Gerechtegkeet: Mir setzen eis fir eng gerecht Verdeelung vun de Laaschten tëscht de Generatiounen an, mat Reforme fir Betreiungsstonnen  an de Pensiounsplang anzebannen.
• Gläichgestallte Renterechter: Mir ënnerstëtzen eng Harmoniséierung vun de Pensiounssystemer fir selbststänneg Aarbechter.
• Fërderung vu  private Pensiounssystemer: Mir plädéiere fir zousätzlech Altersversuergung duerch steierlech Ureizer an avantagéis Investitiounskonditiounen.
• Nohalteg Finanzéierung vun de Pensiounen: Mir engagéiere eis fir eng stabil Finanzstrategie mat Investissementer a Bildung, Fuerschung an Innovatioun, fir laangfristeg Wuesstem ze garantéieren.

Biergerpartei Lëtzebuerg steet fir transparent a verantwortungsvoll Reforme fir d’Interesse vun de Bierger an eng méi gerecht a gläichberechtegt Gesellschaft.