Eng Gerechten a Transparente Steierreform

Als Biergerpartei Lëtzebuerg setze mir eis fir e vereinfacht, gerecht a transparent Steiersystem an, dee sozial Gerechtegkeet a wirtschaftleche Wuesstem fërdert. Eis Visioun baséiert op enger entlaaschte Besteierung fir Bierger an Entreprisen, incitativ Moossname fir Investissement an Innovatioun an enger Verstäerkung vun de Reegele géint Steierhannerzéiung.

​

1. Vereinfachung an Entlaaschtung vun der Steierbelaaschtung

Mir plädéiere fir eng Ofsenkung vun der Komplexitéit am Steierrecht an d’Eliminéierung vun onerwënschten administrativen Hürden, fir d’Belaaschtung fir Steierzueler an Entreprisen ze reduzéieren. D’Aféierung vun engem eenheetleche Steiersaz oder enger Flat Tax géif de System méi transparent, verständlech an zougänglech maachen.

​

2. Ënnerstëtzung vun niddregen a mëttleren Akommes

Mir wëllen den ofsetzbare Basisbetrag erhéijen an d’Steierklasse fir déi niddregst Akommes upassen, fir eng däitlech Steiererliichterung fir Famillje mat niddregem a mëttlerem Akommes ze garantéieren. Zousätzlech wëlle mir en erhéichten Ofzuch pro Kand an zousätzlech steierlech Avantagë fir Elengerzéier aféieren.

​

3. Kampf géint Steierhannerzéiung a Kapitalflucht

Mir plädéiere fir eng Verstäerkung vun de Reegelen, fir effektiv géint Steierhannerzéiung a Kapitalflucht virzegoen. Duerch eng méi enkt international Zesummenaarbecht an d’Ofschafung vun ongerechte Steiernische garantéiere mir eng méi gerecht Verdeelung vun der Steierbelaaschtung.

​

4. Gréng Steieren an Ënnerstëtzung vun Innovatioun

Mir wëlle klimafrëndlech Investissementer an Technologien duerch steierlech Avantagë fërderen, fir d’Energietransitioun an de Klimaschutz ze ënnerstëtzen. Gläichzäiteg plädéiere mir fir steierlech Incitatiounen, fir Entreprisen an d’Fuerschung, d’Entwécklung an d’Innovatioun ze investéieren.

​

5. Eng gerecht Verdeelung vun der Steierlaascht

Mir setzen eis fir eng Upassung vun der Steierprogressivitéit an, fir eng méi equilibréiert Verdeelung vun der Steierbelaaschtung tëscht de verschiddene Revenu-Kategorien ze garantéieren. D’Aféierung vun enger Verméigenssteier soll dozou bäidroen, sozial Ongläichheeten ze reduzéieren an essenziell ëffentlech Ausgaben ze finanzéieren.

​

6. Transparenz a Biergerbedeelegung

Mir plädéiere fir méi Transparenz am Steiersystem, mat enger verständlecher Kommunikatioun iwwer Steierrechter a -Pflichten. Mir wëlle Bierger an aner betraffe Parteie méi staark an d’Steierpolitik abannen, ë. a. duerch ëffentlech Consultatiounen, Auditiounen a participativ Foren.

​

7. Ofleenung vun ongerechter Besteierung an Ënnerstëtzung fir Aarbechter

• Nee zur Ierfschaftssteier am éischte Grad: Mir widderstinn der Aféierung vun enger Ierfschaftssteier fir direkt Nokommen.
• Kee Remboursement vum Geld vun de Kanner vum Beneficiaire vum REVIS.
• Gerechte Besteierung vun ëffentleche Revenuen: Mir fuerderen eng Besteierung vun 100 % op all Gehälter an Indemnitéite vu Regierungsmemberen.
• Indexéierung vum Akommes a Schrëtt: Mir ënnerstëtzen eng gestaffelt Indexéierung vun de Revenuen.
• Ophiewe vun der Duebelbesteierung: Mir setzen eis dofir an, datt Koppelen net duebel besteiert ginn, wa béid Partner schaffe ginn, esou wéi och fir d’Ofschafe vun der duebeler Besteierung bei der Benotzung vu verschidde Steierkaarten, soulaang de Gesamtvolume net iwwer 40 Stonnen d’Woch läit.

​

8. Moossname fir d’Kafkraaft ze stäerken

• Steierfräi Primmen: Mir ënnerstëtze steierfräi Primmen, besonnesch Prime fir Nuetsaarbecht, Weekendsaarbeecht, Schichten an e steierfräien 13. Mount.
• Steierbefreiung fir Mindestloun a Mindestpensioun: Dës Moossnam soll de Schutz vun Aarbechter a Rentner verbesseren.

​

Eist Engagement steet fir eng gerecht, transparent a sozial ugepasste Steierpolitik, déi de wirtschaftleche Wuesstem fërdert, d’Kafkraaft schützt an d’sozial Gerechtegkeet zu Lëtzebuerg stäerkt.