D'Biergerpartei Lëtzebuerg betruecht d'Educatioun als ee fundamentale Pilier fir d'Entwécklung vun eiser Gesellschaft an d'Entfalung vun all Eenzelen. Mir engagéieren eis fir e modernen, inklusiven a performante Bildungssystem, deen déi zukünfteg Generatiounen optimal op d'Erausfuerderunge vun der moderner Welt virbereet. Dofir proposéiere mir déi follgend Moossnamen:

1. Méi Investitiounen an d'Educatioun an an d'Schoulinfrastrukture
   Mir setzen eis fir eng Erhéijung vun den Ausgaben am Bildungsberäich an, fir gutt equipéiert, modern a pedagogesch ugepasste Schoulen ze garantéieren. D’Verbesserung an d’Renovatioun vun den Infrastrukturen si wichteg, fir de Schüler engt optimaalt schoulescht Emfeld  ze bidden.

2. Valorisatioun a Formatioun vun den Enseignantë
   Mir plädéiere fir eng besser Pai an attraktiv Aarbechtskonditioune fir d’Enseignanten, begleet vu kontinuéierleche Formatiounen, déi un déi pedagogesch an technologesch Entwécklungen ugepasst sinn. D'Zil ass, qualifizéiert a motivéiert Fachleit unzezéien an ze halen.

3. Aféierung vu Bildungsmoossnamen a Qualitéitskontroll
   D'Aféierung vu Bildungsstandarden an Indicateure vun der Leeschtung erlaabt eng kontinuéierlech Evaluatioun vum Bildungssystem, fir seng Exzellenz an d’Adaptatioun un d’Besoine vun de Schüler a vun der Gesellschaft ze garantéieren.

4. Inklusioun a Support fir Schüler mat spezifesche Besoine
   Mir engagéieren eis fir eng inklusiv Educatioun, andeems mir adequat Ressourcen, personaliséiert Hëllefsmoossnamen a spezialiséiert Personal zur Verfügung stellen, fir Schüler mat spezifesche Besoinen optimal z’ënnerstëtzen.

5. Reduktioun vun den edukativen Ongläichheete
   Mir wäerte gezielte Bildungsmoossname fir benodeelegt a vulnerabel Gruppen ëmsetzen, fir eng accessibel a gerecht Educatioun fir jiddereen ze garantéieren.

6. Revisioun a Moderniséierung vun de Schoulprogrammer
   Mir setzen eis fir eng Reform vun de Léierpläng an, fir besser op sozial, ekonomesch an technologesch Entwécklungen anzegoen. Dëst garantéiert, datt d'Schüler Kompetenze kréien, déi un d'Aarbechtswelt an d'Liewe vu muer ugepasst sinn.

7. Weiderbildung fir d’Enseignantë
   Mir ënnerstëtzen eng Erweiderung vum Weiderbildungskonzept, fir d’pedagogesch, berufflech an digital Kompetenze vun den Enseignanten ze stäerken an esou eng effizient Wëssensvermëttlung ze garantéieren.

8. Encouragement vun der Zesummenaarbecht tëscht Schoul a Famill
   Mir wëllen d'Zesummenaarbecht tëscht Schoul, Elteren an Tuteuren duerch reegelméissegen Austausch a méi staark Elterenassociatioun am Bildungsprozess vun de Schüler verstäerken.

9. Integratioun vun den digitalen Technologien a Medie an d’Educatioun
   Mir ënnerstëtzen den Asaz vun digitalen Tools a moderne Léierplattformen, fir d’digital Kompetenze vun de Schüler ze entwéckelen an d’Léieroffer duerch interaktiv an online zougänglech Ressourcen ze beräicheren.

10. Promotioun an d’Stäerkung vun der lëtzebuergescher Sprooch
    Mir setzen eis dofir an, datt d’lëtzebuergesch Sprooch obligatoresch vum Primärschoulalter bis zur Universitéit geléiert gëtt, fir eist sproochlecht a kulturellt Ierwen ze erhalen.

11. Sécherheet an de Schoule
    Mir engagéieren eis, d'Sécherheet an an ëm d'Schoulgebaier ze stäerken, andeems ugepasste Moossname geholl ginn, fir eng sécher a roueg Léierëmwelt fir d'Schüler an d’Léierpersonal ze garantéieren.

D’Biergerpartei Lëtzebuerg steet fir en ambitiéisen a performante Bildungssystem an, wou all Schüler d’Méiglechkeet huet, sech voll ze entfalen, essentiel Kompetenzen ze leieren a sech aktiv un der Gesellschaft vu muer ze bedeelegen